English  |  My PARAGON. U

Apply

ប្រវត្តិ សាកលវិទ្យាល័យ

សាកលវិទ្យាល័យអន្តរជាតិ ផារ៉ាហ្គន (អតីតសាកលវិទ្យាល័យហ្សាម៉ាន់) ត្រូវបានបង្កើតឡើងក្នុងឆ្នាំ 2010 ជាសមាជិកថ្មីនៃគ្រឹះស្ថានអប់រំ Paragon (បច្ចុប្បន្នស្ថិតនៅក្រោមក្រុមហ៊ុន Paragon Education Company) ។ សាកលវិទ្យាល័យអន្តរជាតិ​ ផារ៉ាហ្គន បានផ្លាស់ប្តូរឈ្មោះ និងទទួលស្គាល់ជាផ្លូវការដោយការចុះអនុក្រឹត្យពីរាជរដ្ឋាភិបាលកម្ពុជានៅថ្ងៃទី ២៨ ខែមករា ឆ្នាំ ២០១៩ ។

ជាមួយនឹងការប្តេជ្ញាចិត្តដើម្បីផ្តល់ជូននូវឧត្តមភាពនៃការអប់រំ សាកលវិទ្យាល័យអន្តជាតិ ផារ៉ាហ្គន បានខិតខំប្រឹងប្រែងប្រែក្លាយខ្លួនទៅជាសាកលវិទ្យាល័យឈានមុខគេនៅក្នុងព្រះរាជាណាចក្រកម្ពុជា​ ទាំងគុណភាពនៃការបង្រៀន ការសិក្សាស្រាវជ្រាវ និងការចូលរួមជាចំណែកមួយដ៏សកម្មក្នុងកិច្ចការងារសង្គម។ ជាមួយនឹងគោលការណ៏ចំបងទាំងនេះ សាកលវិទ្យាល័យនឹងផ្តល់ជូនសិស្សនិស្សិតនូវកម្មវិធីសិក្សា ដែលមានការទទួលស្គាល់ជាអន្តរជាតិ និងបង្កើតនូវធនធានមនុស្សដែលមានសមត្ថភាពខ្ពស់ ដើម្បីរួមចំណែកដល់ការអភិវឌ្ឍន៍ប្រទេសជាតិទាំងមូល រួមទាំងការធ្វើឲ្យប្រទេសកម្ពុជានិងជីវភាពនៃការរស់នៅរបស់ប្រជាជនកម្ពុជាកាន់តែមានភាពប្រសើរឡើង។ ​ ដោយបានយល់ដឹងអំពីសាកលលោក និងតម្រូវការប្រាស្រ័យទាក់ទងដែលមានលក្ខណៈជាសាកល ដូច្នេះហើយទើបការបង្រៀននៅក្នុងសាកលវិទ្យាល័យអន្តជាតិ​ ផារ៉ាហ្គន តាំងពីចាប់ផ្តើមបើកដំណើរការមក បានប្រព្រឹត្តទៅជាភាសាអង់គ្លេស។

បច្ចុប្បន្ន សាកលវិទ្យាធិការនៃសាកលវិទ្យាល័យ គឺលោកសាស្ត្រាចារ្យ បណ្ឌិត ដេត​ សុខឧត្តម។ សាកលវិទ្យាល័យអន្តជាតិ ផារ៉ាហ្គន  ត្រូវបានដឹកនាំដោយក្រុមប្រឹក្សាភិបាលដឹកនាំដោយលោក​ ជំទាវ ជា សុផាកន្នី ដែលជាម្ចាស់និងជាប្រធានក្រុមហ៊ុនអប់រំផារ៉ាហ្គន។

នាពេលបច្ចុប្បន្ននេះ សាកលវិទ្យាល័យអន្តជាតិ ផារ៉ាហ្គន ផ្តល់ជូននូវជំនាញថ្នាក់បរិញ្ញាបត្រចំនួន 11 រួមមាន:

  • ស្ថាបត្យកម្ម
  • វិស្វកម្មស្ថាបត្យកម្ម
  • វិស្វកម្មសំណង់ស៊ីវិល
  • ការគ្រប់គ្រងសំណង់ 
  • វិស្វកម្មឧស្សាហកម្ម
  • វិទ្យាសាស្ត្រកុំព្យូទ័រ
  • ការគ្រប់គ្រងប្រព័ន្ធព័ត៌មានវិទ្យា
  • ធនាគារនិងហិរញ្ញវត្ថុ
  • ការគ្រប់គ្រងពាណិជ្ជកម្ម
  • ភ័ស្តុភារនិងពាណិជ្ជកម្មអន្តរជាតិ
  • និង វិទ្យាសាស្រ្តនយោបាយនិងទំនាក់ទំនងអន្តរជាតិ។